وزارة العائلة

صحيح العراقي متعود يشوف المسؤول بالدولة يجيب اهله وعمامه ونسابته ويقربهم ويعينهم بدائرته او وزارته ويبذخ عليهم من الالماس واللؤلؤ المكنون …..
بس مثل مصيبة الشبلي لا صارت ولا دارت و مرت على الوادم !!!!
بالمختصر بيتنا ونلعب بيه شلها غرض بينه الناس..!!
وزير النقل الحالي الي جابته الناس حتى يقضي على الفساد والمحسوبية والمنسوبية شو طلع كسابقيه لا يهش ولا ينش؛ لا ..وزاد عليهم اچمالة.
وزير النقل ناصر بندر الشبلي وبعيدا عن ملفات الفساد الي تحوم حواليه؛ الا ان اتمحسوبية عنده نسبتها الف ‎%‎ ..
الشبلي اجرى تعديلات سريعة بالوزارة وفق المنسوبية لو انها اصلاحية فالعراق بخير؛ لكن الواقع انها كومسيونية.

اكيد راح تسألون شلون يعني؛!؟
اني اكلكم :
مثلًا: الشبلي اعطى سلطة لاولاد اخوته ان يستحوذوا على مطار بغداد لدرجة بكيفهم ايطيرون الطيارة وينزلونها، وشاهدها قبل ايام ابن اخوه تسبب بنتخير طائرة لساعتين لان كان نايم المدلول وحلوة نومته…
وبعد…
مثلا مازن ابن اخو الوزير نصبه بمنصب سكرتير مدير عام سلطة الطيران… هسة مقبولة وميخالف ومنصب مو ذا اهمية… بس من تنطيه سلطة اعلى من سلطة مدير عام سلطة الطيران الكابتن نائل سعد ويتحكم بكيفه ويصدر قرارات … لا هاي ما تصير و ابدا مو طبيعية..
الختام: قبل ايام مدير عام سلطة الطيران “نائل سعد” هدد “مازن” ابن اخو وزير النقل بالطرد.. فرد عليه مازن… شوف نائل ما اطلع الا اني وياك (تره دافنيهن سوية)..!!!!

شنو الي دافنيهن بس الله العالم.
عصفور كفل زرزور و اثنينهم طيارة.!!

و الك الله يا عراق.